話說 前幾日我老豆係Facebook同我加關係
居然由父女改左我做佢祖母😂笑死我
咁我咪係自己個外太婆！(好複雜的關係呢)
「唔通佢想用fb溝女唔俾人知佢有個女！」
因為平日老豆會自拍 caption再寫「18歲」
都真係呃得下人咖！佢仲話自己天生靚仔
林峯退出娛樂圈佢頂上！好多女殺埋黎咁
網絡上面嘅老豆實在太搞笑hehehe
有日我終於鼓起勇氣問佢：「做咩set我做你祖母」
佢嚴肅地答：「唔知你講咩！」
哎呀呀呀！想用氣勢壓倒我？
好！俾你壓到了😢(嗚嗚嗚即刻返入房)
唔知你地老豆係咪都係咁
平時好似好嚴肅係網絡世界好好笑
最後送上只有一個月的我與我個孫
晚安